İNTERNET

Tarix:29/04/13

Mark Zukerberq varlanıb

"Facebook"un baş direktoru Mark Zukerberq ötən ilin yekununa görə 2.3 milyard dollar həcmində mənfəət əldə edib. Şirkətin ABŞ Qiymətli Kağızlar və Birjalar üzrə Komissiyasına təqdim etdiyi sənədlər buna sübutdur. Sənədə əsasən, o, bu məbləğdən çox böyük məbləğdə vergi ödəyib.

"ICTnews.az" elektron xəbər xidməti "cybersecurity.ru" saytına istinadən bildirir ki, Zukerberq 30.2 milyon aksiyasının hər birini 38 dollardan satıb və nəticədə 1.1 milyard həcmində mənfəət əldə edib. Xatırladaq ki, ötən ilin mayında keçirilmiş "IPO"-dan sonra şirkətin səhmlərinin qiyməti kəskin surətdə aşağı düşməyə başladı ki, bu da investorların narazılığına səbəb olmuşdu. Son zamanlar şirkətin səhmlərinin qiymətində artım olsa da, bununla belə ən azı birjada yerləşdirilmə qiymətinə yaxınlaşa bilməyib. Hazırda sözügedən şirkətin səhmləri bazarda 28.85 dollardan satılır.

Hazırda "Facebook"un 609.5 milyon səhmi Mark Zukerberqə məxsusdur və onun varidatı 16.4 milyard dollar həcmində qiymətləndirilir.

Emil Hüseynov

Baxış sayı: 709