İKT

Tarix:03/05/13

Azərbaycanlı gənclər avropalı mütəxəssislərin iştirakı ilə elektron xidmətlərlə bağlı müzakirələr aparıblar

Azərbaycan Tələbə Gənclər Təşkilatları İttifaqı (ATGTİ) "Gənclərin elektron fəaliyyətlərinə investisiya yatırılması prosesinin modelləri və çətinlikləri" mövzusunda konfrans keçirib.

ATGTİ-nin mətbuat xidmətindən bildiriblər ki, Azərbaycan Respublikasının Prezidenti yanında Gənclər Fondunun maliyyə dəstəyi ilə keçirilən konfransın məqsədi "Azərbaycan gəncliyi 2011-2015-ci illərdə" Dövlət Proqramı çərçivəsində tələbələrə paylanılmış kartlar vasitəsilə elektron satınalmalar və rəqəmsal xidmətlərdən yararlanma imkanlarını inkişaf etdirmək olub.

Konfransın açılış mərasimində ATGTİ-nin sədri Şahin İsmayilov, Gənclər Fondunun aparat rəhbəri Faiq Qürbətov və "Xəzər" İnvestisiya Mərkəzinin rəhbəri Elşən Musayev iştirak ediblər.

Konfrans çərçivəsində Avropanın 8 ölkəsindən gəlmiş 15-ə yaxın mütəxəssis yerli tələbələrlə birgə dünyada geniş yayılmış elektron xidmətlərə dair müzakirələr aparmış və sualları cavablandırıblar.

Baxış sayı: 650