Tarix:04/08/11

Artıq “Gmail”dən bütün istifadəçilər zəng edə bilərlər

Məşhur “Gmail” poçt xidmətinin istifadəçiləri “Google”-dan növbəti yeniliyi yoxlaya bilərlər. ABŞ və Kanada istifadəçiləri üçün “Gmail” veb-interfeysindən stasionar və mobil telefonla zəng etmək imkanı əlavə edildikdən 1 il sonra bu funksiya, həmçinin bütün dünya istifadəçilərinin xidmətinə verilib.
Xidmət hal-hazırda 38 dili dəstəkləyir.
İndi müxtəlif ölkələrin istifadəçiləri pullu zəngləri poçt xidmətinin interfeysindən istifadə edərək birbaşa internetdən edə bilərlər. Bundan başqa, “Google” 150-dən çox ölkədə zəng tariflərinin azalması haqqında məlumat verib. Aşağı qiymət sayəsində yeni xidmət, şübhəsiz ki, “Skype” xidmətinə rəqib olacaq.

Baxış sayı: 1778

© İstifadə edilərkən İctnews-a istinad olunmalıdır