12px13px15px17px
Tarix:11/05/13

BTRİB şəbəkəsində ADSL vasitəsilə yüksəksürətli internet xidmətlərindən istifadə edən abunəçilərin sayı sürətlə artır

BTRİB şəbəkəsində ADSL vasitəsilə yüksəksürətli internet xidmətlərindən istifadə edən abunəçilərin sayı durmadan artdığına görə “Bakinternet” internet xidmətinin platformasına yenidən baxılma zərurətini yaratmış və hazırda bu istiqamətdə təkliflər hazırlanır.

Bu barədə “ICTnews” elektron xəbər xidmətinə BTRİB-in texniki direktoru Rəsul Qurbanov bildirib.

Onun sözlərinə görə, genişzolaqlı internet xidmətlərindən istifadə edən abunəçilərin sayı artdıqca bu xidmətlərdən əldə edilən gəlirlərin artması da müşahidə olunur.

Belə ki, BTRİB cari ilin 4 ayı ərzində göstərdiyi genişzolaqlı internet xidmətlərindən 6 mln. manatdan çox gəlir əldə edib və bu tendensiya davam edir.

Hazırda internet xidmətlərindən əldə edilən gəlirlər ümumi gəlirlərin 33,5%-ni təşkil edir.

Qeyd edək ki, internet xidmətlərindən gəlirlər artdıqca beynəlxalq istiqamətlərə çıxış danışıqlarından gəlirlərin azalması da müşahidə olunur. Hesablamalara görə, beynəlxalq çıxış danışıqlarından BTRİB-in gəlirləri 2013-cü ilin I rübündə 2012-ci ilin müvafiq dövrünə nisbətən 85 min manat və ya 5,0% azalıb.

RƏVAN



Baxış sayı: 782

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024