İKT

Tarix:16/05/13

"Yandex" startup məktəbi açır

"Yandex" şirkəti startup məktəbi açır. Emalatxanada təlim iki ay davam edəcək və bu vaxt ərzində iştirakçılar özlərinə məxsus layihə işləməlidirlər. "Yandex" şirkəti "Tolstoy Summer Camp" startup məktəbini açır. Bu eksperimental layihənin məqsədi – runetdə maraqlı layihələrin yaranmasıdır.

«İki aylıq kurs çərçivəsində biz iştirakçılara ideyanı "sıfırdan" düzgün formalaşdırmağa və düşünməyə, komanda toplamağa, biznes-plan hazırlamağa və layihəni işləməyə kömək edəcəyik. Sonra iştirakçılar rusiyalı və xarici sərmayədarlara təqdim edə biləcəklər», - "Yandex"də bu qənaətdədirlər.

Proqram iyulun 1-dən başlayır, iştirakla bağlı müraciətlər mayın 31-dək davam edəcək. "Yandex" emalatxanasına, yaşından asılı olmayaraq menecerləri, proqramçıları və dizaynerləri dəvət edir. Bütün iştirak etmək istəyənlər özlərini görmək istədikləri ixtisas üzrə testdən keçməlidirlər.

Sonra uğurlu namizədlər "Skype"-da müsahibədən keçəcəklər və iyunun 24-də seçimin bütün mərhələlərini keçənlər elan ediləcəklər. Layihə tam məşğulluq tələb edir.

Təlim zamanı iştirakçılar aylıq 20 min rubl təqaüd alacaqlar. Onların Moskvaya gəlmək və yaşamaq xərclərini şirkət ödəyəcək.

Aynur Vəliyeva

Baxış sayı: 612