İKT

Tarix:22/05/13

AMEA prezidenti Fizika-Riyaziyyat və Texnika Elmləri Bölməsinin texnoparkının yaradılması təşəbbüsünü irəli sürür

AMEA Rəyasət Heyətində AMEA Fizika-Riyaziyyat və Texnika Elmləri Bölməsinin (FRTEB) ümumi yığıncağı keçirilib.

“ICTnews” elektron xəbər xidmətinə bu barədə məlumat verən AMEA-dan bildirilib ki, tədbirdə AMEA prezidenti, akademik Akif Əlizadə gündəlikdəki məsələlər barədə məlumat verərək, iclasda AMEA Rəyasət Heyəti tərəfindən təsdiq olunan nizamnaməyə uyğun, gizli səsvermə yolu ilə bölmənin akademik-katibinin müavinlərinin, büro üzvlərinin və elmi katibinin seçiləcəyini qeyd edib.

FRTEB-in dünyanın qabaqcıl elmi-texniki təşkilatları ilə əməkdaşlıq əlaqələrinin mövcud olduğunu da söyləyən akademik A.Əlizadə bölmənin texnoparkının yaradılması təşəbbüsünü irəli sürüb və bu təcrübənin Azərbaycanda elmin inkişafına yeni töhfə olacağını bildirib.

AMEA prezidenti bölmənin fəaliyyətini də yüksək qiymətləndirib. Daha sonra iclasda gizli səsvermə nəticəsində akademik Maqsud Əliyev, AMEA-nın müxbir üzvləri Əyyub Quliyev, Yusif Məmmədov FRTEB-in akademik-katibinin müavinləri, akademiklər Telman Əliyev, Çingiz Qacar, İsmayıl İbrahimov, Arif Həşimov, AMEA-nın müxbir üzvləri Rasim Əliquliyev, Adil Qəribov, Asəf Hacıyev, Cavad Abdinov, Ramiz Qurbanov bölmənin büro üzvləri, Fariz İmranov isə bölmənin elmi katibi təyin edilib.

HƏQİQƏT

Baxış sayı: 757