İNTERNET

Tarix:24/05/13

Azərbaycan «Facebook» istifadəçiləri bu virusdan qorunmalıdır

Azərbaycan gənclərinin böyük əksəriyyətinin istifadə etdiyi «Facebook» sosial şəbəkəsi vasitəsilə yeni bir virusun yayıldığı məlum olub. Son günlər aparılan ciddi araşdırmalar nəticəsində bu məsələ üzə çıxıb.

“ICTnews.az” elektron xəbər xidmətinin məlumatına görə, yeni virusun yayılması ilə bağlı Azərbaycan Xüsusi Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət Agentliyinin Kompüter İnsidentlərinə qarşı Mübarizə Mərkəzi xəbər yayıb. Mərkəzin rəsmi internet səhifəsində yayılan məlumata görə, zərərverici fayl kompüterə qoşulan fləş-yaddaş qurğularını da yoluxdura bilər.

«Bitdefender” şirkətinin İnformasiya Təhlükəsizliyi ilə məşğul olan mütəxəssisləri «Facebook»un daxili çatı ilə əlaqəli yeni modifikasiyaya malik “Dorkbot” zərərverici proqram təminatı aşkar ediblər. İstifadəçini şübhələndirmədən sistemi yoluxdurmaq üçün zərərverici proqram təminatı sistem tərəfindən təhlükəsiz fayl kimi tanınan “.JPG” uzantısı ilə maskalanır. “Dorkbot” çox rahat “C&C” serverlərdə “İRC” bot kimi qeydə alınır.

Qurğuya yükləndikdən sonra “Dorkbot” istifadəçiləri şəbəkə aktivliyini yoxlayır və onlara məxsus məlumatları "oğurlayır".

SEYMUR

Baxış sayı: 825