12px13px15px17px
Tarix:27/05/13

Azərbaycan İpoteka Fondu informasiya təhlükəsizliyi sahəsində konsaltinq xidmətlərini satın alır

Azərbaycan Mərkəzi Bankı nəzdində Azərbaycan İpoteka Fondu informasiya təhlükəsizliyi sahəsində konsaltinq xidmətlərinin satın alınması ilə bağlı təkliflər sorğusu elan edib.

“ICTnews” elektron xəbər xidmətinin Satınalmalar komissiyasına istinadən verdiyi məlumata görə, konsaltinq xidmətləri daxili şəbəkə və telekommunikasiya üzrə konsaltinq işləri, server infrastrukturu üzrə konsaltinq işləri və İSO 27001 İnformasiya təhlükəsizliyi standartlarının tətbiqinə dair tövsiyələr və normativ sənədlərin hazırlanması istiqamətlərini əhatə edir.

Satınalmada iştirak haqqı 100 AZN təşkil edir. İddiaçının informasiya texnologiyaları, informasiya texnologiyaları üzrə konsaltinq xidməti və ya informasiya təhlükəsizliyi sahəsində ən azı 3 il təcrübəsi olmalıdır. Satınalma üzrə möhürlənmiş və imzalanmış təklif zərfləri iyunun 11-dək, digər tələb olunan sənədlər isə iyunun 20-nə qədər qəbul ediləcək.

Zərflər iyunun 21-də Azərbaycan İpoteka Fondunun inzibati binasında açılacaq. Qeyd edək ki, əlavə məlumat almaq üçün 441-24-23 nömrəli telefona zəng etməklə əlaqələndirici şəxs Mətin Hacıyevə (daxili nömrə 133) müraciət etmək olar.

CAHANGİR



Baxış sayı: 856

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024