12px13px15px17px
Tarix:30/05/13

2012-ci ildə internet trafikin təxminən 15%-ni mobil trafik təşkil edib

"D11" konfransının keçirilməsi zamanı "Kleiner Perkins Caufield Byers" vençur fondunun tərəfdaşı Meri Mayker "Internet Trends" illik hesabatını təqdim edib.

"ICTnews.az" elektron xəbər xidməti "itc.ua" saytına istinadən bildirir ki, 2012-ci ilin sonunda dünyada təxminən 2,4 milyard internet istifadəçisi qeydə alınıb ki, bu da ötən ilin göstəricisini 8% ötür. Lakin internetə mobil üzərindən daxil olan istifadəçilərin sayı daha yüksək templə artır. 2012-ci ilin sonunda dünyada 1,5 milyard mobil internet istifadəçisi qeydə alınıb.

Artım 36% təşkil edib. Bu halda bütün internet trafikin təxminən 15%-ni mobil trafik təşkil edib. Müqayisə üçün qeyd edək ki, 2011-ci ildə bu göstərici 10% olub. 2012-ci ildə, həmçinin smartfonların sayı artıb. Mobil telefonların ümumi sayı 5 milyardı ötüb. 2012-ci ildə internetdə reklam seqmentinə təxminən 37 milyard, mobil reklama isə 4 milyard dollar xərclənib.

Emil Hüseynov



Baxış sayı: 735

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024