İKT

Tarix:05/06/13

“Bakcell” abunəçilərinin sosial şəbəkələrdən optimal istifadəsi üçün internet sürəti artırılıb

Azərbaycanın ilk mobil operatoru və aparıcı mobil internet provayderi "Bakcell" şirkəti "Nokia Siemens Networks" şirkəti ilə birgə "PCRF" (policy charging and rules function) texnologiyası üzərində qurulmuş internet trafik və xidmətin idarə edilməsi sistemini tətbiq edib ki, bu da öz növbəsində "Bakcell" şəbəkəsini Azərbaycan bazarında ən qabaqcıl şəbəkəyə çevirib.

"PCRF" texnologiyası "Bakcell" şirkətinə son istifadəçilərin ehtiyaclarına cavab verən xidmət planlarının istifadəsi ilə yanaşı, xidmət keyfiyyətinin real zamanda təmin edilməsində kömək edəcək. İndi "Bakcell" müştəriləri "bandwidth-on-demand" və ötürmə qabiliyyəti siyasətləri, data sıxlığının azaldılması ilə şəbəkə resurslarının dürüst və mütənasib şəkildə bölüşdürülməsi, vaxt, yer, istifadə, tətbiqetmə və s. üzərində qurulmuş daha dəqiq və dinamik xidmət planları, xüsusiləşdirilmiş və maraqlı xidmətlər, dəyişən həyat tərzi və tendensiyalara uyğunlaşa bilən fərdiləşdirilmiş müştəri təcrübəsi, sürətdən asılı olan tətbiqetmələrin (video streaming, YouTube və s.) istifadəsi zamanı son istifadəçilər üçün müvafiq sürətin təmin edilməsi kimi qabaqcıl funksiya və imkanlardan yararlana biləcəklər. "Abunəçilərimiz "Facebook", "vKontakte", "video streaming", "Skype" mesajlaşması, ani mesajlaşma, fayl ötürməsi, musiqi yüklənməsi və s. kimi müxtəlif onlayn xidmətlərdən istifadə edirlər.

Tətbiqetmə və xidmətlərin müxtəlifliyi səbəbindən, smart trafik və xidmət keyfiyyətinin idarə edilməsi "Bakcell" şirkətinin başlıca vəzifələrindən birinə çevrilib. Bu etibarlı və peşəkar sistem şəbəkə resurslarının son istifadəçilər arasında dürüst şəkildə bölüşdürülməsi, istifadəçilərin müxtəlif xidmət seçimləri və optimal sürət və yüksəksürətli internet ilə təmin edilməsi məqsədi ilə "Bakcell" şirkətinin texniki şöbəsinin səyləri nəticəsində tətbiq edilib",- deyə "Bakcell" şirkətinin baş texniki direktoru cənab Yigit Berktaş bildirib.

2013-cü ildə "Bakcell" şirkəti "Nokia Siemens Network" şirkəti ilə birgə internet və xidmət trafikin idarə edilməsi ekosistemini daha da qabaqcıl funksiyaların tətbiqi vasitəsilə tam yeni bir səviyyəyə qədər inkişaf etdirəcək.

Baxış sayı: 689