İNTERNET

Tarix:11/06/13

Dövlət Miqrasiya Xidməti “Elektron hökumət” portalına qoşulub

Dövlət Miqrasiya Xidməti (DMX) ilk elektron xidmətini “Elektron hökumət” portalı vasitəsilə vətəndaşların istifadəsinə verib.

Məlumat Hesablama Mərkəzindən verilən məlumata görə, DMX-nin təqdim etdiyi “Onlayn müraciət - Azərbaycan Respublikası vətəndaşlığından çıxma” adlanan xidmət vasitəsilə hər bir vətəndaş Azərbaycan Respublikası vətəndaşlığından çıxmaq üçün müraciəti elektron formada təqdim edə bilər:

“Bunun üçün “www.e-gov.az” “Elektron Hökumət” portalına daxil olub, Dövlət Miqrasiya Xidməti tərəfindən təqdim olunan e-xidmətlər siyahısından “Onlayn müraciət - Azərbaycan Respublikası vətəndaşlığından çıxma” xidmətinin adını seçmək lazımdır. Açılan formanın içində vətəndaşa aid olan məlumatlar (adı, soyadı, ata adı və s) və tələb olunan sənədlər:

“Ərizə-anket (tərcümeyi-hal)”, “4 ədəd fotoşəkil (3x4 sm ölçüdə)”, “Yaşayış yerindən ailə tərkibi haqqında arayış”, “Azərbaycan Respublikası Prezidentinin adına ərizə” və s. əlavə edildikdən sonra elektron formada DMX-yə göndərmək tələb olunur”.

CAHANGİR

Baxış sayı: 836