İKT

Tarix:13/06/13

YUNESKO - Polşa birgə Təqaüd Proqramı çərçivəsində Elm, Texnologiya və Mühəndislik sahəsində iştirakçılara fərdi tədqiqat proqramına başlamaq imkanı veriləcək

Polşanın YUNESKO üzrə Milli Komissiyası və Krakov Universiteti nəzdində olan YUNESKO kafedrası 2013-cü il üçün təqaüd proqramı elan edir. “ICTnews” elektron xəbər xidmətinə Təhsil Nazirliyindən bildirilib ki, YUNESKO - Polşa birgə Mühəndislik üzrə Təqaüd Proqramı çərçivəsində, cari ilin 1 oktyabr tarixindən başlayaraq 6 ay müddətinə 32 təqaüd yeri ayrılıb.

Adıçəkilən təqaüd proqramının iştirakçılarına Elm, Texnologiya və Mühəndislik sahəsində fərdi tədqiqat proqramına başlamaq imkanı veriləcək. Təqaüd proqramı açıq müsabiqədə təqdim edilir.

Təqaüd proqramı üçün son müraciət tarixi 21 iyun 2013-cü ildir. Proqram haqqında və namizədlərin ixtisaslarına dair ətraflı məlumatı “http://www.unesco.org/new/en/fellowships/programmes/unesco-poland-co-sponsored-fellowships-programme-2013-engineering/” internet ünvanından əldə edə bilərsiniz.

HƏQİQƏT

Baxış sayı: 737