İKT

Tarix:25/06/13

“Startup Azərbaycan” yarımfinalçıları layihələrini ekspertlərə təqdim ediblər

“Startup Azərbaycan” təşkilat komitəsi bildirir ki, yarımfinala çıxan startuplar ekspertlər qarşısında öz layihələrinin təqdimatlarını ediblər.

“Startup Azərbaycan” yarışmasında yarımfinalçı statusu alan 15 layihədən 13-ü ekspertlər tərəfindən 2-ci səsvermə mərhələsində dəyərləndirilib. Layihələrin qiymətləndirilməsi prosesində İT və marketinq sahəsində tanınmış 7 nəfər ekspert iştirak edib . Hər bir startup komandası 6-7 dəqiqə vaxt ərzində öz layihələrinin əsas ideyaları və biznes-planları ilə bağlı ekspertləri məlumatlandırıblar. Təqdimatların videoçəkilişi aparılıb və digər ekspertlərə də təqdim edilib. Ekspertlərin yekun qiymətləndirilməsi əsasında finalçılar müəyyən olunacaq.

Finalçılar iyulun 4-də keçirilməsi nəzərdə tutulan yekun təqdimat mərasimində elan olunacaq. Finalçılara diplomlar və müxtəlif qiymətli hədiyyələr təqdim ediləcək. Finala çıxan startuplarla investorların qapalı görüşünün də (pitç sessiya) iyulun 4-də keçirilməsi nəzərdə tutulub. “Startup Azərbaycan” layihəsinə Rabitə və İnformasiya Texnologiyaları Nazirliyi dəstək verir. “Startup Azərbaycan”ın baş sponsoru “Bakcell” şirkətidir. “Microsoft”, “İnfi Pro” şirkətləri də “StartUp Azərbaycan”ın sponsorlarıdır.

Aynur Vəliyeva

Baxış sayı: 662