İNTERNET

Tarix:27/06/13

Vətəndaşlar ATS tərəfindən təqdim olunan elektron xidmətlərə sərbəst qoşula bilərlər

Vətəndaşlar ATS tərəfindən təqdim edilən elektron xidmətlərə sərbəst qoşula bilərlər. Bu, Rabitə və İnformasiya Texnologiyaları Nazirliyinin “www.e-gov.az” Elektron Xidmətlər Portalı vasitəsilə vətəndaşlara təqdim edilən “Telefonun servislərə qoşulması” elektron xidməti sayəsində mümkündür.

Belə ki, sözügedən xidmət vasitəsilə şəhərdaxili telefon nömrəsinin ATS tərəfindən təqdim olunan elektron servislərə qoşulmasını reallaşdırmaq mümkündür. Bunun üçün “www.e-gov.az” Elektron Xidmətlər Portalına daxil olub, Rabitə və İnformasiya Texnologiyaları Nazirliyi tərəfindən təqdim olunan e-xidmətlər siyahısından “Telefonun servislərə qoşulması” xidməti seçilməlidir.

Açılan formanın içində vətəndaş PİN kodu əsasında öz adına olan şəhərdaxili telefon nömrələrindən birini seçdikdən sonra elektron ATS tərəfindən ona təqdim olunan mövcud müxtəlif elektron servisləri aktiv etməklə seçə bilər. İstifadəçi tərəfindən seçilmiş servislər artıq vətəndaşın telefonu tərəfindən istifadə oluna bilər.

Eyni xidmət vasitəsilə istifadəçi əvvəllər istifadə etdiyi servislərdən imtina edə bilər. Bunun üçün xidmətin açılan formasında həmin servisin qarşısında olan işarə passiv edilməlidir. Sonda isə sifarişin mövcudluğu haqda məlumat əks olunacaq.

Həqiqət İSABALAYEVA

Baxış sayı: 856