İNTERNET

Tarix:01/07/13

Elektron poçta daxil olan məktublar avtomatik silinəcək

"AT&T" şirkəti elektron poçtdan məlumat itkisinin qarşısını almaq üçün elektron məktubların fiziki ləğv edilməsi sistemini yaradıb.

"ICTnews" xəbər xidmətinin "www.cybersecurity.ru" saytına istinadən verdiyi məlumata əsasən, operator artıq bununla bağlı yeni patent sorğusunu təqdim edib. Yeni texnologiya sayəsində daxil olan məktublar poçt sahibi şəbəkədə olduğu zaman e-mail-ə daxil olur və oxucunun istəyindən asılı olmayaraq, müəyyən olunmuş vaxt ərzində silinirlər. Məhv edilən məktubların sürətini çıxarmaq, saxlamaq və yenidən ünvanlandırmaq olar. Lakin poçt sahibinin istəyi ilə bütün məktublar vaxtı gəldikdə ləğv edilə bilərlər. Yeni texnologiya "Method, System, and Apparatus for Providing Self-Destructing Electronic Mail Messages" adını alıb.

O, bu cür məlumatlarla işləyən nəzarət email-serverlər sistemini təsvir edir. Əlbəttə ki, adi serverdə məktub özünü ləğv etmə imkanından məhrum ediləcək. "AT&T"-də deyirlər ki, hələ ki, sistemin real istifadəsində bəzi boşluqlar var, lakin ümumi konsepsiya faydalı və maraqlıdır.

Şirkətin sorğusunda bildirilir ki, yeni sistem poçt sahibinə ötürülən məlumatlar digər serverə keçdikdən sonra belə nəzarəti saxlamağa imkan verir, bundan başqa sistem potensial məlumat oğrularının işini çətinləşdirir. Onun əsas üstünlüyü isə məsafədən məktubların silinməsidir. Poçt sahibi sərt ləğv etmə vaxtı müəyyən edə bilər və bu halda məktub oxunmasa belə silinəcək.

Aynur Vəliyeva

Baxış sayı: 968