İKT

Tarix:09/07/13

ABŞ-ın Ticarət Nazirliyi 170 min dollar dəyərində avadanlıqları məhv edib

ABŞ-ın Ticarət Nazirliyində keçirilmiş daxili audit sayəsində kompüter virusları ilə mübarizənin qeyri-adi üsulu aşkar edilib. Qurumun kompüter şəbəkələrində arzuolunmaz proqram təminatı peyda olduqdan sonra təhlükəsizlik üzrə mütəxəssislər belə nəticəyə gəliblər ki, ən yaxşı variant virusa yoluxmuş avadanlığı (televizor, maus, printer və s.) məhv etmək və ya tullamaqdır.

“ICTnews.az” elektron xəbər xidməti “tech.onliner.by” saytına istinadən bildirir ki, məhv edilmiş avadanlığın ümumi qiyməti 170 min dolları ötüb. Auditorların gəldiyi qərara əsasən, keçirilmiş tədbirin əhəmiyyəti azdır: yoxlamanın yekununa görə yalnız iki qurğu virusa yoluxub.

Auditorların tövsiyəsinə əsasən, gələcəkdə kibercinayətkarlıqla mübarizədə daha səmərəli və lazımi üsullar seçmək lazımdır.

Emil Hüseynov

Baxış sayı: 662