12px13px15px17px
Tarix:19/07/13

“Google” istifadəçi məlumatlarını Amerikanın xüsusi xidmət orqanlarından gizlədəcək


 “Google” istifadəçilərin fayllarını Amerikanın xüsusi xidmət orqanlarından gizlətməyə qərar verib. “CNET” internet nəşrinə şirkətə yaxın mənbələrin verdiyi məlumata əsasən, “Google” şirkəti sənədlərin “Drive” adlanan "bulud" xidmətində şifrələnməsi üzərində sınaqlara başlayıb.

“ICTnews.az” elektron xəbər xidməti “hitech.vesti.ru” saytına istinadən bildirir ki, 2012-ci ildə axtarış sistemi informasiyanı təhlükəsiz kanal üzrə ötürməsi haqqında məlumat vermişdi, lakin data mərkəzlərdə istifadəçilərin faylları şifrələnməmiş formada saxlanılır. Əgər “Google” data mərkəzlərdə də qorumanı təmin edə bilsə, o zaman istifadəçilərin faylları tam təhlükəsiz olacaq, çünki şirkət arxivlərin məzmununu aça bilməyəcək.

Mərkəzi Kəşfiyyat İdarəsinin (MKİ) keçmiş əməkdaşı Edvard Snouden “PRISM” adlanan məxfi proqram haqqında elan etdikdən sonra “Google” belə addım atıb. Onun iyunun əvvəlində KİV-ə verdiyi informasiyaya görə, MKİ elektron poçt yazışmalarını oxuyur və  Amerikanın “Google”, “Yahoo!”, “Apple”, “Skype” və “Facebook” kimi iri şirkətlərinin müştərilərinin fəallığına nəzarət edir.

Emil Hüseynov



Baxış sayı: 758

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024