12px13px15px17px
Tarix:19/07/13

İnformasiya və rabitə xidmətlərində əlavə dəyər 7,5 faiz artıb

Cari ilin birinci yarısında ölkədə istehsal edilmiş ümumi daxili məhsulun həcmi əvvəlki ilin eyni dövrü ilə müqayisədə 5,0 faiz artaraq 27,2 milyard manata çatıb, onun əhalinin hər nəfərinə düşən həcmi 3,7 faiz artaraq 2936,3 manat (3741,9 ABŞ dolları) təşkil edib.

Dövlət Statistika Komitəsindən verilən məlumata görə, xidmət sektorunda əlavə dəyər istehsalının 5,7 faizi informasiya və rabitə xidmətləri göstərən sahələr tərəfindən təmin edilib. Cari ilin altı ayında əvvəlki ilin eyni dövrü ilə müqayisədə informasiya və rabitə xidmətlərində  əlavə dəyər 7,5 faiz artıb.

Bu ilin 1 iyun vəziyyətinə muzdla işləyənlərin 1,8 faizi informasiya və rabitə sahəsində məşğul olub. Digər fəaliyyət növləri ilə müqayisədə mədənçıxarma sənayesində, maliyyə və sığorta fəaliyyətində, informasiya və rabitədə, peşə, elmi və texniki fəaliyyət sahəsində, tikintidə, inzibati və yardımçı xidmətlərin göstərilməsi sahəsində orta aylıq nominal əməkhaqqı daha yüksək olub.
 
CAHANGİR
 



Baxış sayı: 672

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024