12px13px15px17px
Tarix:22/07/13

Nazir Milli Mətbuat Günü münasibəti ilə jurnalistləri təbrik etdi


Rabitə və informasiya texnologiyaları naziri Əli Abbasov "Facebook" sosial şəbəkəsindəki rəsmi səhifəsi vasitəsi ilə 22 İyul Milli Mətbuat Günü münasibəti ilə jurnalistləri təbrik edib. Təbrikdə deyilir:
 
" Əziz jurnalistlər,
 
Azərbaycan Milli Mətbuatının 138 illiyi münasibəti hər birinizi səmimi qəlbdən təbrik edir, ən xoş arzularımı bildirirəm.
 
Heç şübhəsiz ki, jurnalistlərin peşə fəaliyyəti bilavasitə  müasir informasiya-kommunikasiya texnologiyaları (İKT) ilə bağlıdır.
 
Ölkədə İKT sektorunda həyata keçirilən genişmiqyaslı işlər və müasir texnologiyaların tətbiqi sayəsində jurnalist əməyinin yüngülləşdiyini desəm, yəqin ki, yanılmaram.
 
Bu gün milli mətbuatımızın çoxsaylı jurnalist üzvü operativ surətdə Rabitə və İnformasiya Texnologiyaları Nazirliyinin fəaliyyətini və ümumən ölkədə İKT sektorunda həyata keçirilən işləri peşəkarlıqla işıqlandırır. Beləliklə də, kütləvi informasiya vasitələrinin nümayəndələri informasiya cəmiyyətinin fəal üzvinə çevrilir.  Bu kontekstdə, artıq neçə illərdir  tərəfimizdən təşkil edilən "İnformasiya Cəmiyyətinin Jurnalisti" müsabiqəsində jurnalistlərin həvəslə iştirak etməsi və qalibiyyəti sevindirici haldır.
 
Göstərdiyiniz diqqətə görə hər birinizə təşəkkür edir, məsuliyyətli və şərəfli fəaliyyətinizdə yeni uğurlar arzulayıram!

Qələminiz xoş xəbərlərin müjdəçisi olsun!"
 
 



Baxış sayı: 1208

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024