İKT

Tarix:22/07/13

“Rəqəmli həyatınızı gəlirə çevirin!” devizi altında elektron ticarət portalı fəaliyyətə başlayır

“Rəqəmli həyatınızı gəlirə çevirin!”- bu deviz altında Azərbaycanda elektron ticarət portalı “Eticaret.az” (http://eticaret.az/) fəaliyyətə başlayır. Saytın rəhbərliyindən bildirilib ki, yeni portal sentyabrdan etibarən istifadəçilərin xidmətinə təqdim olunacaq:

“Portal məhsullarınızı, rəqəmli fəaliyyətinizi, e-kitablarınızı və xidmətlərinizi heç bir virtual mağaza proqramına ehtiyac duymadan sata biləcəyiniz və gəlir əldə edəcəyiniz, üstəlik, asan istifadə edilə bilən veb-xidmətdir. İstifadəçi portal vasitəsilə satmaq istədiyi rəqəmli və ya daşınan məhsullarınızı asanlıqla satış obyektinə çevirə biləcək, onları veb-saytında satışa çıxara biləcək. Bunun üçün hər hansı proqramlaşdırma vərdişlərinə malik olmağa ehtiyac yoxdur.

“Eticaret.az” portalı sizə məhsullarınızı asanlıqla əlavə edəcəyiniz bir interfeys təklif edir. Bu interfeysdən əlavə olunan məhsulları veb-saytınızda satışa çıxara bilmək üçün “Sifariş et”, “Səbətə əlavə et” düymələrindən əlavə, e-maillərinizdə göndərə biləcəyiniz bir link və daha ətraflı görünüş üçün bir veb-saytı qoşması (widget) yaradır. Hazırlanan qoşmaları veb-səhifənizə əlavə edərək heç bir əlavə proqramlama əməliyyatı etmədən və ya bahalı alış-veriş sistemini veb-saytınıza qurmağa çalışmadan məhsullarınızı satmaya başlaya bilərsiniz. Portal fərqli məhsul növlərinə görə xüsusiləşdirilmiş həll yolları təqdim edir. “Eticaret.az” ilə istifadəçilər özəlləşdirilmiş alış-veriş düymələri və qoşmaları, ödəniş səhifələri və əlaqə mesajları hazırlaya bilirlər”.

Həqiqət İSABALAYEVA

Baxış sayı: 695