12px13px15px17px
Tarix:22/07/13

Elmi İnnovasiyalar Mərkəzində “Müasir şəraitdə informasiya-analitik fəaliyyətin təşkili” üzrə keçirilən 6 aylıq kurs yekunlaşıb


 
AMEA  Elmi İnnovasiyalar Mərkəzində (EİM) “Müasir şəraitdə informasiya-analitik fəaliyyətin təşkili” üzrə keçirilən və 6 ay davam edən ixtisasartırma kursu uğurla başa çatıb.

Sözügedən kurs EİM və Odessa Milli Hüquq Akademiyasının  Kiyev şəhərindəki Əqli Mülkiyyət İnstitutu ilə əməkdaşlıq müqaviləsinə, AMEA-ın Rəyasət Heyətinin 23 aprel 2012-ci il tarixli 61 nömrəli və 15 oktyabr 2012-ci il 233 nömrəli sərəncamlarının icrasına uyğun olaraq fəaliyyət göstərib. Mərkəzdən bildirilib ki, ixtisasartırma kursunun təşkilinə nəzarət Tədris-Təhsil Mərkəzinin direktoru, iqtisad elmləri doktoru, professor Təbriz Əliyevə həvalə edilib.

“Müasir şəraitdə informasiya-analitik fəaliyyətin təşkili” üzrə ixtisasartırma kursunda İqtisadi İnkişaf Nazirliyinin, Fövqəladə Hallar Nazirliyinin,  Rabitə və İnformasiya Texnologiyaları  Nazirliyinin, Mədəniyyət və Turizm Nazirliyinin, AMEA-nın elmi-tədqiqat institutlarının nümayəndələrindən ibarət 10 nəfər dinləyici iştirak edib.

İxtisasartırma kursunda iqtisad elmləri doktoru, professor Təbriz Əliyev, iqtisad elmləri namizədi, dosent Arzu Hüseynova, biologiya elmləri namizədi, dosent Təmraz Təmrazov, iqtisad elmləri doktoru, professor V.D.Porxomenko, Eldar Şirəliyev və Turan Hüseynovanın mühazirələri dinlənilib. İxtisasartırma kursunun dinləyiciləri tərəfindən mövzular üzrə referat yazılıb.

Sonda iştirakçılara diplomlar verilib.
 
 
Həqiqət İSABALAYEVA



Baxış sayı: 738

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024