12px13px15px17px
Tarix:26/07/13

Moskva Metropoliteni pulsuz “Wi-Fi” ilə təmin ediləcək


Moskva Metropoliteni pulsuz "Wi-Fi" şəbəkəsinin yaradılması üzrə auksionun uğurla başa çatdığını bildirib.
"ICTnews" xəbər xidmətinin "www.therunet.com" saytına istinadən verdiyi məlumata əsasən, Moskva Metropoliteninin pulsuz keçirdiyi auksionun qalibi bu müqaviləyə iddia edən yeganə şirkət olan "MaksimaTelecom" olub.

Auksionun baş tutmayacağı ehtimal edilirdi, çünki ən iri rabitə operatorları, təkliflər maraqlı olmadığı üçün, iştirakdan imtina etmişdilər. Rabitə xidmətləri üzrə "B2B" bazarında işləyən və sadə istehlakçılara tanış olmayan, «MaksimaTelecom»u, bu şərtlər qorxutmayıb.

Şirkət artıq Moskva Metropolitenini pulsuz "Wi-Fi" ilə təmin etmək üçün 10 illik eksklüziv hüquqa malikdir. Baza stansiyaları qatarlarda quraşdırılmalıdır ki, istifadəçilər qatar hərəkət edərkən internetdən istifadə edə bilsinlər. Şirkət digər rabitə operatorlarına öz şəbəkəsinə çıxış təqdim edəcək və ya reklamdan qazanacaq, istifadəçilər üçün isə metroda "Wi-Fi" pulsuz olacaq. Şəbəkənin artıq gələn ildən etibarən istifadəyə verilməsi gözlənilir.

Aynur Vəliyeva
 



Baxış sayı: 670

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024