İKT

Tarix:07/08/13

“Samsung” şirkəti “Tizen” əməliyyat sisteminin tətbiq sferasını genişləndirməyi planlaşdırır

"Samsung" şirkətinin rəhbərlərindən biri Cey Key Şin "Tizen" əməliyyat sisteminin (ƏS) sonrakı inkişafına dair məlumatla bölüşüb.

Şin deyib ki, "Tizen" ƏS-i "Android" platformasına alternativ sayılır. Sözügedən sistemin inkişafı nəticəsində onun tətbiq sahəsini genişləndirmək planlaşdırılır.

"ICTnews.az" elektron xəbər xidməti "itc.ua" saytına istinadən bildirir ki, Şinin sözlərinə görə, "Tizen" ƏS-i yalnız cihazlarda (smartfon, planşet, kompüter, kamera) deyil, həm də avtomobil, bank kimi başqa sənaye sahələrində tətbiq edilə bilər.

"Tizen" platforması birgə hazırlamadır və 12 şirkət tərəfindən dəstəklənir. Lakin məhz "Samsung" və "Intel" şirkətləri ən aktiv istehsalçılardır.

Emil Hüseynov

Baxış sayı: 717