İNTERNET

Tarix:07/08/13

Marissa Meyer “Flickr” layihəsinin direktorunu dəyişdirir

Marissa Meyer artıq bir ildən çoxdur ki "Google" şirkətində işləmir, "Yahoo!" şirkətinə başçılıq edir, bununla belə onun internet nəhəngi ilə əlaqələri itməyib. Belə ki, məlum olub ki, "Flickr" fotohostinq xidmətinin yeni direktoru əvvəllər "Google"-un "Zagat" layihəsində işləmiş Bernardo Ernandez olacaq.

"ICTnews.az" elektron xəbər xidməti "cybersecurity.ru" saytına istinadən bildirir ki, "Zagat" layihəsi restoran biznesi ilə məşğul olur, həmçinin restoran-kartoqrafiya mövzusunun kiçik sosial şəbəkəsini aparır. Xatırladaq ki, internet nəhəngi ötən il "Zagat" şirkətini satın alıb.

Marissa Mayer "Twitter" mikrobloqunda yazıb ki, Ernandez bu gündən "Flickr" fotoxidmətində direktor kimi işə başlayır.

Emil Hüseynov

Baxış sayı: 752