Tarix:27/08/13

İlin sonuna kimi bütün məktəblər internetə qoşulacaq

Azərbaycanda bu ilin sonunadək bütün ümumtəhsil məktəblərinin internetlə təmin edilməsi nəzərdə tutulub.
“ICTnews” xəbər xidmətinin məlumatına əsasən, hazırda ölkədə ümumtəhsil məktəblərinin 87,2%-i kompüterlə təchiz edilib və məktəblərin kompüterləşmə prosesi başa çatmaq üzrədir.

Ötən ilin nəticələrinə əsasən, Azərbaycanda ümumtəhsil məktəblərinin 48,3%-i internetə qoşulub, ölkədə hər 16 şagirdə 1 kompüter düşür.

Xatırladaq ki, məktəblərin kompüterləşməsi və internetə qoşulması üzrə işlər Azərbaycanda 2008-2012-ci illərdə təhsil sisteminin informasiyalaşdırılması üzrə Dövlət Proqramı çərçivəsində həyata keçirilir. 

Aynur Vəliyeva

Baxış sayı: 727

© İstifadə edilərkən İctnews-a istinad olunmalıdır