İKT

Tarix:27/08/13

İT mütəxəssislərinin arzuları

"Mail.Ru Group" və "HeadHunter"in həyata keçirdikləri araşdırmaların nəticəsində müəyyən olub ki, İT mütəxəssislərinin 66%-i pulsuz yeməklə təchiz edilmiş ofis mətbəxi haqda xəyal edirlər.

"ICTnews" xəbər xidmətinin "www.therunet.com" saytına istinadən verdiyi məlumata əsasən, ofis məkanında İT mütəxəssisləri üçün ən vacib məsələ (respondentlərin 53% rəyinə görə) onun iş üçün tələb olunan effektiv və yüksək texnoloji alətlər ilə təchiz edilməsidir. Hər dördüncü İT mütəxəssisi (24%) ofisdə iş vaxtı bir müddət dincəlmək üçün yerin olmasını arzulayır.

İT mütəxəssislərinin 66%-i iş yerlərində pulsuz yemək və ofis mətbəxinin olmasını istəyirlər. Araşdırmaçılar İT mütəxəssislərinin işinin effektivliyinin aşağı olmasını onların ac olması ilə bağlayıblar. Sorğuda iştirak edənlərin 56%-i idman zalının olmasını, 52% isə qısa müddət ərzində yuxularını almaq üçün divan olmasını istəyiblər.

Amma ümumilikdə İT mütəxəssisləri elə də tələbkar deyillər, onların 37%-ni "dəbli aksesuarsız" rahat və komfortlu ofisdə iş tam razı sala bilər. Qalanları isə biznes mərkəzlərinin birində "A" sinfinə aid olan yüksək texnoloji ofisdə (27%) və ya hardasa təbiət qoynunda "dzen üslubu"nda (24%) işləmək istəyərlər. Daha 10% ideal iş yeri kimi şəxsi mənzil və ya evlərini görürlər.

Aynur Vəliyeva

Baxış sayı: 791