İNTERNET

Tarix:30/08/13

“GoMap”ın yeni funksiyası biznes üçün yeni imkanlar açır

"GoMap.az" elektron xəritə bazasında xüsusi yaradılmış "APİ GoMap" funksiyası Azərbaycan və Gürcüstanda biznes üçün yeni imkanlar yaradır. Elektron xəritənin bu funksionalı vasitəsilə başqa veb-resurslar da "GoMap.az"-dan geniş istifadə edə bilərlər. "APİ GoMap" funksionalına qoşulanlar "GoMap.az" elektron xəritəsindən özlərinin veb-resurslarında istifadə edə bilərlər.

Müxtəlif obyektlərin xəritədə vizual göstərilməsi və yerləşmə sxeminin veb-resursda göstərilməsi hər bir biznes subyektinə müştərilərlə ünsiyyəti yeni səviyyəyə qaldırır. Mağazalar, restoranlar, kafelər, gözəllik salonları, səhiyyə müəssisələri və digər obyektlər üçün "APİ GoMap"ın müxtəlif üstünlükləri vardır.
"APİ GoMap" funksionalı veb-resursların dizaynına uyğun olaraq xəritəni tətbiq etməyə imkan verir və vizual formatda istifadəçilərə məlumatı daha effektiv qavramağa imkan verir.

"GoMap.az"-da tətbiq olunan "marşrut" funksionalı hər hansı bir obyektə gediş marşrutunu xəritə üzərində "cızmağa" və veb-resursda yerləşdirməyə şərait yaradır. Bununla istehlakçıların obyekti daha rahat tapmaları üçün zəmin yaradılır. Həmçinin veb-resurslar özlərinin də xəritə modelini "GoMap.az" üzərindən qura bilər və "APİ GoMap" funksionalı vasitəsilə vahid platformada istifadə edə bilər.
"GoMap.az" elektron xəritəsinin mobil versiyası olduğundan veb-resurslar daha mobil istifadəçilər üçün də üstünlüklər əldə edir və hətta geolokasiya sistemindən də yararlana bilər.

Qeyd etmək lazımdır ki, "APİ maps" texnologiyası artıq dünyanın müxtəlif ölkələrində geniş istifadə olunduğu funksionaldır və biznes-istehlakçı ünsiyyət modelində effektiv alətə çevrilmişdir. Bu alət vasitəsilə biznes öz istehlakçıları üçün real rahatlıq yaradır və istehlakçı servisini daha yeni səviyyədə qura bilir.

RƏVAN

Baxış sayı: 782