İKT

Tarix:10/09/13

“Microsoft” yeni “Surface” planşetini anons etməyə hazırlaşır

“Microsoft” şirkəti yeni “Surface 2” planşetinin anons ediləcəyi ehtimal edilən xüsusi tədbirə dəvətnamələri paylayıb.

“ICTnews” xəbər xidmətinin “www.cybersecurity.ru” saytına istinadən verdiyi məlumata əsasən, şirkət yeni məhsulunu redmondda Kremniy vadisində yerləşən qərargahında deyil, Nyu-Yorkda təqdim etmək niyyətindədir.

Bir çox ekspertlər əmindirlər ki, şirkət “SurfaceRT” mini-planşeti ilə bağlı heç bir anons etməyəcək, ehtimal edilir ki, şirkət “Windows 8.1”-ə keçən “Surface Pro 2” planşetinin yenilənmiş versiyasını təqdim edəcək və həmçinin yeni “Intel Core i Haswell” mikroprosessorunu alacaq.

Ekspertlər hesab edirlər ki, korporasiya “Surface Pro 2” planşetlərində “Core i5 Haswell” prosessorlarını yerləşdirəcək, bununla yanaşı, 4 GB əməliyyat yaddaşı əlavə edəcək və beləliklə, bu göstəricini 8 GB-dək artıracaq. Şirkət alıcılar üçün planşetin qiymətini dəyişməyəcək, çünki öncə “Microsoft” həddindən artıq yüksək qiymətlərlə bağlı tənqidə məruz qalıb.

Xatırladaq ki, avqustda “Nvidia” şirkətinin “Microsoft” ilə birgə “SurfaceRT” planşetinin “Tegra 4” SoC-sistemi əsasında işləyəcək yenilənmiş versiyası üzərində işləyir. Lakin artıq bir aydır ki, bu tərəfdaşlıq haqda heç bir məlumat yoxdur.

Aynur Vəliyeva

Baxış sayı: 671