12px13px15px17px
Tarix:18/09/13

“Nokia” şirkəti “Lumia 1520” qurğusunun təqdimatını təxirə salıb


“Nokia” şirkəti yeni “Lumia 1520” flaqman smartfonunun təqdimatını “Microsoft”la imzaladığı sazişin anonsundan sonra təxirə salıb.

“ICTnews” xəbər xidmətinin “www.cybersecurity.ru” saytına istinadən verdiyi məlumata əsasən, qeyd edilən 5 düymlük ekrana malik olan smartfonun sentyabr ayının sonunda təqdim ediləcəyi bildirilmişdi, lakin indi debütün oktyabr ayının sonundan tez olmayacağı qeyd edilib.

Xatırladaq ki, bu yaxınlarda “Nokia” şirkəti smartfon bölməsini “Microsoft” şirkətinə satdığını elan edib və patent portfoliosunun telefon istiqamətini bu şirkətə lisenziyalaşdırıb. Müqavilənin ümumi dəyəri 7,2 milyard manat məbləğində qiymətləndirilib.

“Nokia” şirkətindəki mənbələrdən məlum olub ki, bu ayın sonunda xüsusi mətbuat tədbirinin keçirilməsi nəzərdə tutulubmuş, lakin indi bu tədbir azından bir neçə həftəlik təxirə salınıb. Hazırda “Nokia” və “Microsoft” əvvəlki kimi müstəqil işləyirlər, məhsullarının relizlərini təşkil etdikdə çalışırlar ki, relizlərinin tarixi üst-üstə düşməsin.
 
Aynur Vəliyeva



Baxış sayı: 623

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024