İKT

Tarix:25/09/13

“Boeing” istifadədən çıxarılmış “F-16” təyyarələrini pilotsuz uçan təyyarəyə çevirir

ABŞ-ın "Boeing" təyyarə istehsalı konserninin nümayəndələri ölkənin Hərbi Hava Qüvvələrində istifadədən çıxarılmış "F-16" təyyarələrinin təkrar utilizasiyası üzrə layihə üzərində iş apardıqlarını açıqlayıblar. Belə ki, bundan sonra təyyarələrin bir qismi pilotsuz uça biləcək.

Konsernin məlumatına əsasən, "F-16" təyyarəsinin yenidən avadanlıqlaşdırılmış ilk nümunəsi Florida ştatının Tindall bazasından ilk sınaq uçuşu edərək yerdə olan ABŞ HHQ-nin pilotlarının idarəetməsi ilə Meksika körfəzi üzərindən uçub. Layihəyə məsul mühəndis Pol Sehasın sözlərinə görə, uçuş uğurla həyata keçirilib və qırıcı təyyarə çox gözəl eniş edib.

"Boeing" nümayəndələri bildiriblər ki, yenilənmiş qırıcı təyyarələr gələcək pilotların məşqləri üçün istifadə oluna bilər. Bundan başqa, yenilənmiş "F-16"nın ilk nümunəsi lazım gəldikdə öz-özünü məhvetmə sistemi ilə təchiz olunub, - "Cybersecurity" www.cybersecurity.ru yazır.

Baxış sayı: 615