12px13px15px17px
Tarix:26/09/13

Həm ziyarət, həm ticarət - sərgidə bir sənədlə “Elektron hökumət” portalında qeydiyyatdan keçə bilərsiniz


Dövlət qurumlarının təqdim etdikləri elektron xidmətləri cəmləşdirən vahid portalda  (www.e-gov.az ) hələ də qeydiyyat keçməyənlər məsələni oktyabrın 15-nə qədər daha rahat şəkildə həll edə bilərlər. Bunun üçün həmin tarixə qədər  “Bakı Expo” Sərgi Mərkəzində davam edəcək sərgidə Rabitə və İnformasiya Texnologiyaları Nazirliyinin Məlumat Hesablama Mərkəzi tərəfindən ziyarətçilərə müvafiq şərait yaradılıb.

Belə ki, Azərbaycanın son 10 ildə əldə etdiyi uğurlara həsr olunmuş “Azərbaycan 10 ildə. Sosial-iqtisadi inkişaf: dövlət proqramlarının icrası” sərgisində ziyarətçilər yalnız şəxsiyyət vəsiqəsini təqdim etməklə “Elektron hökumət” portalında qeydiyyata düşə bilərlər.
 
Qeyd edək ki, “Elektron hökumət” - dövlət qurumları tərəfindən əhaliyə
xidmət göstərilməsinin yeni üsuludur. “E-hökumət” - vətəndaşlara dövlət tərəfindən verilən xidmətlərin elektron mühitdə təqdim edilməsi deməkdir. Burada dövlət xidmətləri vətəndaşa ən asan, ən qısa zaman ərzində çatdırılır. “E-hökumət” - müasir informasiya texnologiyalarından istifadə etməklə dövlət qurumları tərəfindən Azərbaycan Respublikasının ərazisində yaşayan bütün vətəndaşlara, hüquqi və fiziki şəxslərə, xarici vətəndaşlara və vətəndaşlığı olmayan şəxslərə informasiya və elektron xidmətlərin göstərilməsinə şərait yaradır.
 
Xidmətlərin vahid portal üzərindən təqdim edilməsi hər birimizə vaxta qənaət, əlverişli, sürətli, keyfiyyətli, fasiləsiz, etibarlı, şəffaf, rahat xidmətlərdən faydalanmaq kimi üstünlüklər verir.  
 
Həqiqət İSABALAYEVA



Baxış sayı: 969

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024