İKT

Tarix:27/09/13

AzTU-da texnologiyaların yayılması menecmenti üzrə layihənin tətbiqinə başlanılır

Azərbaycan Texniki Universitetinin Ukrayna Milli Texniki Universiteti ilə müştərək hazırladığı "Texnologiyalar transferi menecmenti üzrə tədris proqramının MDB dövlətlərində - Azərbaycan, Gürcüstan, Qazaxıstan, Moldova və Özbəkistanda yayılması" haqqında beynəlxalq layihəsi Ukrayna Elm-Texnologiya Mərkəzinin keçirdiyi müsabiqədə qalib gəlib.

AzTU-dan verilən məlumata görə, Amerika Birləşmiş Ştatları Dövlət Departamenti və Avropa İttifaqının maliyyələşdirdiyi bu layihə bir il müddətində yerinə yetiriləcək. Layihə çərçivəsində görüləcək işlərə Ukrayna Elm-Texnologiya Mərkəzi nəzarət edəcək.

Layihə intellektual mülkiyyət hüquqları, biznesin təşkili və həyata keçirilməsi, texnologiyaların yayılması menecmenti üzrə tədris-məsləhət mərkəzlərinin yaradılmasını nəzərdə tutur.

Azərbaycan Texniki Universitetində layihənin həyata keçirilməsi ilə bağlı treninqlərə başlanılıb.
Layihə ilə bağlı keçirilən ilk toplantıda onun rəhbəri - Azərbaycan Texniki Universitetinin Beynəlxalq Əlaqələr üzrə prorektoru, professor Mustafa Babanlı bu sənədin qarşıya qoyduğu məqsəd və vəzifələrdən danışıb.

CAHANGİR

Baxış sayı: 1406