İKT

Tarix:30/09/13

Kompüter və elektron məhsulların istehsalı artıb

2013-cü ilin “İKT ili” olması ilə əlaqədar bu sahədə kompleks işlərin aparılması, bir çox nailiyyətlərin əldə olunması, Azərbaycan əhalisinin kompüter biliklərinin artırılması, müxtəlif maarifləndirici tədbirlərin həyata keçirilməsi, internet istifadəçilərinin çoxalması istehsala da təsir edib.

Bu gün ölkə üzrə kompüter avadanlıqlarının istehsalının genişləndiyi müşahidə olunur.

Belə ki, cari ilin yanvar-avqust aylarında Azərbaycanda kompüter, elektron və elektrik avadanlığının istehsalı sahəsində məhsul istehsalının həcmi əhəmiyyətli dərəcədə artıb.

“ICTnews” elektron xəbər xidmətinin məlumatına görə, bu barədə Dövlət Statistika Komitəsi informasiya yayıb.

Komitədən bildirilib ki, sözügedən məhsulların istehsal həcmi 151,8 milyon manata qədər yüksəlib. Bu da ötən ilin müvafiq dövrü ilə müqayisədə kompüter və elektron məhsulların istehsalında 14,6 faiz, elektrik avadanlığının istehsalında isə 12 faiz artım baş verdiyini göstərir.

SEYMUR

Baxış sayı: 641