İKT

Tarix:17/10/13

Azərbaycan radiotezlik spektrinin və peyk orbitlərinin istifadəsi məsələlərinin müzakirəsində təmsil olunub

Azərbaycan nümayəndəsi Regional Rabitə Birliyinin (RRB) radiotezlik spektrinin və peyk orbitlərinin istifadəsi üzrə komissiyasının Astanada keçirilən 4-cü iclasında iştirak edib.
“ICTnews” xəbər xidmətinin məlumatına əsasən, iclasda Azərbaycanla yanaşı, digər Müstəqil Dövlətlər Birliyi (MDB) ölkələrindən 40-dan çox nümayəndə, həmçinin RRB-nin icra komitəsinin və Beynəlxalq Telekommunikasiya İttifaqının (BTİ) nümayəndələri iştirak ediblər.

Tədbir çərçivəsində radioyayım və radiotezliklərin istifadəsi üzrə işçi qrupların rəhbərlərinin hesabatları təqdim edilib.

“Yerüstü televiziya yayımı şəbəkələrinin texniki əsaslarının planlaşdırılması üzrə tövsiyələr” layihəsinin DVB-T2 standartı nəzərə alınmaqla yeni redaksiyası təqdir edilib və onun RRB-nin növbəti iclasında təsdiq edilməsi qərara alınıb.

İştirakçılar 470-862 MHz tezlik zolaqlarının RRB ölkələrinin müxtəlif radioxidmətləri tərəfindən perspektiv istifadə imkanlarını müzakirə ediblər, RRB-nin radotezlik spektrinin və peyk orbitlərinin tənzimlənməsi üzrə İş planını təqdirəlayiq hesab ediblər.

Aynur Vəliyeva

Baxış sayı: 726