İKT

Tarix:25/10/13

Alternativ və Bərpa Olunan Enerji Mənbələri üzrə enerji stansiyalarının iş rejimləri avtomatik idarə ediləcək

“Qobustan Eksperimental Poliqonu və Tədris Mərkəzi” dünyada ilk hibrid stansiyadır. Burada Qobustan şəhərinin enerji təminatı məqsədi ilə “ağıllı şəbəkə”nin yaradılması işlərinə başlanılıb. Bu sistem ölkənin regionlarında yerləşən ABOEM üzrə enerji stansiyalarının iş rejimlərinin avtomatik idarə edilməsinə imkan yaradacaq.

“ICTnews” elektron xəbər xidmətinin məlumatına görə, bu fikirləri Qobustan eksperimental enerji poliqonunda təşkil olunan mətbuat konfransında Azərbaycan Dövlət Alternativ və Bərpa Olunan Enerji Mənbələri üzrə Dövlət Agentliyinin (ABOEMDA) sədri Akim Bədəlov deyib.

Onun sözlərinə görə, hibrid stansiya vasitəsilə birinci mərhələdə Qobustan şəhəri, ikinci mərhələdə isə bütün Qobustan rayonu avtonom rejimdə alternativ enerji ilə təmin ediləcək. Layihənin 2015-ci ilin əvvəlinədək tam reallaşacağı gözlənilir.

Məlumat üçün bildirək ki, Azərbaycanın digər regionlarında da hibrid elektrik stansiyaları qurulacaq. Bu yaxınlarda daha 10 regionda – Naxçıvan, Gədəbəy, Qax, Neftçala və digər rayonlarda bu tip “ağıllı şəbəkə”li stansiyalar fəaliyyətə başlayacaq, Sumqayıtda mərkəzi idarəetmə sistemi yaradılacaq.

CAHANGİR

Baxış sayı: 1290