12px13px15px17px
Tarix:07/11/13

“Apple” Çində 5 ən iri smartfon tədarükçüsü beşliyinə daxil olub


“Apple” şirkəti Çin bazarında yeni “iPhone 5s” və “iPhone 5c” modellərinin təqdim edilməsi sayəsində ölkədə 5 aparıcı smartfon istehsalçısı beşliyinə qayıtmağa nail olaraq yerli istehsalçılar “ZTE” və “Xiaomi” şirkətlərini qabaqlayıb. Bu barədə “Bloomberg” agentliyi Çinin smartfon bazarında ixtisaslaşan “Canalys” şirkətinin analitiki Nikol Penqə istinadən məlumat verib.

2013-cü ilin üçüncü rübündə Çində “iPhone” modelinin tədarük həcmi illik hesablamada 32 faiz artıb ki, bu da “Apple”a yerli bazarda smartfon satışından 6 faizlik paya sahib çıxmağa imkan verib. Ötən rübdə şirkət bazarda 5 faizlik paya malik olub və istehsalçıların ümumi hesabatında yeddinci yeri tutub.
N.Penqin sözlərinə görə, “iPhone” və “iPad” istehsalçısının Çində uğuru burada yeni modellərin bazara ABŞ və digər ölkələrdə eyni vaxtda çıxarılması ilə əlaqədardır. Lakin gələcəkdə şirkət üçün ölkədə iştirakını genişləndirməsi heç də asan olmayacaq.  

Çində birinci yeri bazar payı 14 faiz təşkil edən “Samsung” şirkəti tutur. İkinci yeri smartfon tədarükünü 64 faiz artırmağa nail olan Lenovo (13 faiz) qərarlaşıb. Liderlər üçlüyünü 11 faizlik payla yerli istehsalçı “Coolpad” tamamlayır, - “DailyComm” www.dailycomm.ru yazır.  






Baxış sayı: 652

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024