12px13px15px17px
Tarix:12/11/13

“B&B TV” şirkəti xidmət çeşidini genişləndirmək niyyətindədir

"B&B TV" şirkəti istifadəçilərinə təqdim etdiyi xidmət çeşidini genişləndirmək niyyətindədir.
Şirkətdən "ICTnews" xəbər xidmətinə verilən məlumata əsasən, artıq istifadəçilərə təkcə televiziya xidmətləri yetərli deyil və xidmət çeşidinin genişləndirilməsinə ehtiyac var.

"Biz "Video on Demand" servisini və internet xidmətlərini təqdim etmək niyyətindəyik. Bu planları həyata keçirmək üçün təkcə "DVB-T2" texnologiyası yetərli deyil. Yaxın zamanda İnternet Servis Provayderlərlə (İSP) danışıqlara başlamaq niyyətindəyik", - deyə şirkətdə bildiriblər.

Xatırladaq ki, "B&B TV" şirkəti 1996-cı ildə təsis olunub və Azərbaycanda ilk dəfə analoq üsulu ilə radio-televiziya kanallarının efir-kabel yayımı xidmətini göstərməyə başlayıb.

2007-ci ilin aprel ayından başlayaraq «B&B TV» Cənubi Qafqazda ilk dəfə rəqəmsal efir-kabel yayımını vətəndaşlara təqdim edib. 

Hazırda «B&B TV» rəqəmsal efir-kabel yayımını Bakı, Sumqayıt və Abşeron yarımadasında həyata keçirir. 

Aynur Vəliyeva
 



Baxış sayı: 798

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024