İNTERNET

Tarix:12/11/13

İnternet provayderi abunəçiləri üçün müddətsiz aksiyalara başlayıb

İnternet provayederi “AiləNET” abunəçilər üçün müddətsiz aksiyalar elan edir. “Caspian Telecom”un Mətbuat xidmətindən bildirilib ki, artıq internet provayderin xidmətlərinə qoşulmaq istəyən şəxslərə ilkin 20 metr kabel pulsuz təqdim olunur. Qoşulma zamanı 20 metrdən artıq istifadə olunan kabelin isə dəyəri alınır (1m=0.30q)(1m=0.50q).

Bundan başqa, “AiləNET” tərəfindən keçirilən aksiyaya əsasən, vətəndaşlara təqdim olunan “TP LİNK 743 N” modelli “wi-fi” routerin qiyməti artıq 30 AZN deyil, 25 AZN-dir. Qeyd olunan aksiya müddətsiz həyata keçirilir. “AiləNET”-dən daha bir müddətsiz aksiya "5 ay ödə, 6-cı ay AiləNET-dən pulsuz yararlan" adlanır. Aksiyanın qaydalarına əsasən, “AiləNET” internet provayderinin abunəçiləri seçdikləri tarifə uyğun olaraq beş ayın abunə haqqını ilkin olaraq ödəyən zaman altıncı ay internet provayderin xidmətindən pulsuz istifadə etmək hüququ qazanırlar.

Eləcə də abunəçi əgər 10 ayın abunə haqqını ilkin olaraq ödəyirsə, bu zaman son iki ay “AiləNET”-in xidmətinə görə abunə haqqı ödəməyəcək.
Qeyd edək ki, Azərbaycanda sürətlə inkişaf edən internet provayderlərdən biri olan “AiləNet” “Caspian Telecom” şirkətinin brendidir.

Geniş fiber-optik şəbəkəyə malik olan şirkət ölkəmizdə 19-cu dəfə keçiriləcək və dekabrın 2-dən 5-nə kimi davam edəcək “BakuTel-2013” İnformasiya və Telekommunikasiya Texnologiyaları sərgisində iştirak etməyə hazırlaşır.

Həqiqət İSABALAYEVA

Baxış sayı: 847