TƏHLÜKƏSİZLİK

Tarix:03/06/11

“Panasonic” smartfon bazarına çıxır

Yapon elektron nəhəngi “Panasonic” yenidən mobil telefonların qlobal bazarına çıxmaq niyyətindədir. Qeyd edək ki, 2005-ci ildən “Panasonic” smartfonları yalnız daxili yapon bazarında satırdı, indi şirkət kütləvi bazar üçün yeni məhsullar hazırlayıb. Şirkət Android-smartfon istehsalçılarının koqortasını (möhkəm birləşmiş dəstə) tamamlamaq niyyətindədir. Şirkətin prezidenti Fumio Osubonun sözlərinə görə, 2012-ci ildən yeni smartfon bir neçə ölkədə satılacaq. Lakin istehlakçı ölkələrin adları hələlik məlum deyil.
F.Osubo bildirib ki, indi “Panasonic” mobil telefonların baza modellərinin yaradılması üzrə xeyli təcrübə toplayıb. “Yüksək dəyərli smartfonlar indi yüksək texnologiyalar bazarının əsas seqmentini təşkil edir. Və biz bu bazarda öz yerimizi tutmağa səy göstəririk”.
Məlumat üçün bildirək ki, hazırda “Panasonic” telefonların satışı üzrə yapon bazarında “Sharp”dan sonra ikinci yer tutur.
F.Osubonun sözlərinə görə, indi şirkət artıq dünya bazarına 4,3-düym sensorlu ekran və Android 2.3 Gingerbread əməliyyat sistemi ilə P-07C smartfonunu təqdim edib. O bildirib ki, bu qurğu digər Android-qurğulardan fərqli olaraq mobil televiziyanı da dəstəkləyəcək.
Şirkət rəhbəri, həmçinin” qeyd edib ki, “Samsung”, HTC və s. bu kimi şirkətlər Android-smartfonlarını 2 ildən çoxdur ki satırlar. Onun sözlərinə görə, ötən müddət ərzində “Panasonic” qeyd olunan şirkətlərin strategiyasını diqqətlə müşahidə edib. Osubo bildirib ki, bununla belə, “Panasonic” öz şəxsi smartfonlarının satışı ilə məşğul olacaq, şirkət bazar rəqibləri üçün mobil komponentləri çatdırmağa davam edəcək.

Baxış sayı: 4313