12px13px15px17px
Tarix:29/11/13

“Sony” pariklərə kamera və “GPS” quraşdıracaq

"Bloomberg" nəşri yazır ki, "Sony" şirkəti ABŞ Patent Bürosuna "ağıllı parik" (SmartWig) ilə bağlı patent müraciəti göndərib. Bu aksesuar daşınan kompüterlər sinfinə aiddir, "ağıllı saat" və "ağıllı eynək" kimi işləyir.
"ICTnews" elektron xəbər xidməti "lenta.ru" saytına istinadən bildirir ki, parikə "GPS", kamera, vibrasiya mühərriki, "Bluetooth" və "Wi-Fi" modulları, nəbz, təzyiq datçikləri və başqa komponentlər quraşdırıla bilər. Parik məlumat mübadiləsi üçün mobil qurğuya qoşula bilər.

Patent müraciətində qeyd edilib ki, "SmartWig" adi parikə oxşayır. Ona quraşdırılmış elektronika gizlədilib.
"Sony" şirkəti patent müraciətində qeyd edib ki, parik başqa daşınan qurğulardan onunla fərqlənir ki, onu idarə etmək daha rahatdır, həmçinin o, təbii görsənir və diqqət cəlb etmir.

Hazırda şirkətlərin əksəriyyəti daşınan qurğular üzərində işləyir. Layihələrin əksəriyyəti mobil aparata qoşulan "ağıllı" saatlarla bağlıdır.

Emil Hüseynov



Baxış sayı: 643

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024