12px13px15px17px
Tarix:29/11/13

Bakının stasionar rabitə şəbəkəsində nömrələrin daşınması sistemi tətbiq edilib


Bakı Telefon Rabitəsi İstehsalat Birliyi stasionar şəbəkədə nömrələrin daşınması xidmətini onlayn rejimdə bir gün ərzində həyata keçirir.

BTRİB-in baş direktoru Beytulla Hüseynovun "ICTnews" xəbər xidmətinə verdiyi məlumata əsasən, bu xidmət artıq Bakı şəhərinin stasionar rabitə şəbəkəsində təqdim edilir və istənilən abunə yaşadığı yerdən köçdüyü zaman öz telefon nömrəsini yeni ünvana köçürə bilər.

"Bu servis Məlumat Hesablama Mərkəzinin saytında elektron xidmət kimi də təqdim edilir və istənilən abunə onlayn rejimdə öz nömrəsini bir ünvandan digər ünvana keçirmək üçün internet üzərindən müraciət etsə, Bakı Telefon Rabitəsi İstehsalat Birliyi bu işi bir gün ərzində həll edə bilər. Yeni xidmətin daha bir üstünlüyü onun on dəfə ucuzlaşmasıdır. Belə ki, əvvəllər abunə yeni ünvana keçdikdə telefon nömrəsini yaşadığı yerin xidmət göstərildiyi stansiyaya təhvil verib, yeni ünvandakı stansiyadan yeni nömrənin  ayrılması üçün 30 manat ödəyərək müraciət edirdisə, hazırda telefon nömrəsi  bir ATS-in ərazisindən digər ATS-in ərazisinə daşındığı halda abunə buna görə cəmi 3 manat ödəyir",- deyə o bildirib.

Aynur Vəliyeva



Baxış sayı: 884

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024