İKT

Tarix:05/12/13

Azərbaycanın kibertəhlükəsizlik istiqamətində gördüyü işlərlə bağlı xüsusi nömrə nəşr edilib

Azərbaycan Respublikasının Prezidenti yanında Strateji Araşdırmalar Mərkəzinin (SAM) “SAM-ın şərhləri” jurnalının “Kibertəhlükəsizlik məqsədi: Rəqəmsallaşmış dünyada Azərbaycan” adlı 11-ci sayı dərc edilib.

Tədqiqatın müəllifləri SAM-ın aparıcı elmi işçisi Kamal Makili-Əliyev və Pakistanın Quaid-I-Azam Universitetinin doktorantı Attiq-ur-Rehmandır. Tədqiqat müasir dövrün ən önəmli çağırışlardan olan kibertəhlükəsizliyin həm hüquqi, həm də geostrateji aspektlərini araşdırır.

Müəlliflər kibertəhlükəsizliyin əhəmiyyəti və nəzəri əsaslarından danışır, kiberməkan və kibertəhdid anlayışları və onların Azərbaycanın kibertəhlükəsizliyi üçün əhəmiyyətindən bəhs edirlər. Ekspertlər həmçinin Azərbaycanın kibertəhdidlərlə bağlı hazırki mövqeyi, bu təhdidlərinin nələrdən ibarət olduğu, onların gələcəkdə hansı istiqamətdə inkişaf edəcəyi və ölkəmizin kibertəhdidlərə qarşı mübarizə təcrübəsindən də bəhs edirlər.

Tədqiqat həm də Azərbaycanın kibertəhlükəsizliyə dair qanunvericiliyin yaradılması istiqamətindəki fəaliyyəti və beynəlxalq əməkdaşlıqda iştirakından danışır, təhlükəsizliyin bu yeni sahəsində hüquqi vasitələrin əhəmiyyətini vurğulayır.

Müəlliflər sonda ölkəmizin hərtərəfli kibermüdafiə üçün keçməli olduğu yoldan bəhs edir və müvafiq tövsiyələr verirlər.

SEYMUR

Baxış sayı: 698