İNTERNET

Tarix:09/12/13

Nəhəng şirkətlərin baş direktorlarının yalnız 30 faizi sosial şəbəkələrdən istifadə edir

“Augure” şirkəti mütəxəssislərinin hesablamalarına əsasən, səhmləri “NSADAQ” birjasında hərraca çıxarılan yüz nəhəng şirkət baş direktorunun yalnız 30 faizi sosial şəbəkələrdə aktiv fəaliyyət göstərir.

Stiv Balmer (Microsoft), Ceff Bezos (Amazon), Con Çembers (Cisco) kimi məşhur şirkət rəhbərlərinin populyar şəbəkələrdə səhifələri yoxdur. Lakin digər İT şirkət rəhbərləri bu imkandan yararlanaraq özlərinə səhifə açıblar. Məsələn, “Apple” şirkətinin direktoru Tim Kuk bu yaxınlarda “Twitter” mikrobloqlar servisində yazışmağa başlayıb və artıq 327 min oxucu toplamağa nail olub. Bundan başqa, “Tesla Motors” və “SpaceX” mikrobloqlarının direktoru Elon Muskanın oxucularının sayı 500 minə yaxınlaşıb, “Yahoo!” direktoru Marissa Mayerin isə 474 mini ötüb. Onların “Facebook” şəbəkəsində də səhifələri var. “Facebook” rəhbəri Mark Sukerberq də öz sosial şəbəkəsində səhifəyə malikdir, “Twitter”də isə onun 291 min oxucusu var. “Dell” şirkətinin baş direktoru Maykl Dellin “Twitter”də 566 min oxucusu, "LinkedIn” şəbəkəsində 500-dən çox əlaqədə olduğu şəxs yer alıb.

Şirkət rəhbərlərinin sosial şəbəkələrə fəallığının zəifliyi ilk növbədə informasiyanın açıqlanmasına dair qanunun pozulmasından və ya istifadəçilərə təhqiramiz cavab verməkdən ehtiyat etməklə izah olunur, - "Computerworld www.osp.ru” yazır.

Baxış sayı: 750