İKT

Tarix:10/12/13

Kompüterdən havanın keyfiyyətinin və ətraf mühitin vəziyyətinin monitorinqi üçün istifadə olunacaq

Çinin "Tianhe-1A" superkompüterinin iş texnologiyasından havanın keyfiyyətinin və ətraf mühitin vəziyyətinin monitorinqinin kompüter modelinin yaradılması üçün istifadə olunacaq. Bu barədə yerli KİV-ə müsahibədə Milli Superkompüter Mərkəzinin (National Supercomputer Center) elmi əməkdaşı Men Syanfey bildirib.
Onun sözlərinə görə, hazırlanmasına 3-5 il tələb olunacaq kompüter modelinin köməyi ilə hava şəraitinin proqnozlaşdırılması da mümkün olacaq.

Hazırda Çinin 114 şəhərində havanın keyfiyyətinin və ətraf mühitin vəziyyətinin monitorinqi üçün 668 mərkəz yaradılıb.

"Tianhe-1A" 2010-cu ilin noyabrından 2011-ci ilin iyununadək dünyanın ən güclü elektron-hesablama maşını dünya reytinqində lider olub. Lakin Yaponiyanın "Fujitsu" şirkətinin istehsalı olan "K computer" superkompüteri istifadəyə verildikdən sonra ikinci yerə enib. Üç il əvvəl "Tianhe-1A" istismara verildikdən sonra onun köməyi ilə havanın proqnozlaşdırılması, iqlim dəyişikliklərinin monitorinqi və ətraf mühitdə müxtəlif proseslərin modelləşdirilməsində vacib nəticələr əldə olunub.

Ətraf mühitdə baş verən hadisələri proqnozlaşdıran kompüter modelinin yaradılması layihəsi Çin Metrologiya Akademiyası, Milli Metrologiya Mərkəzi, Sinxua Universiteti və Milli Superkompüter Mərkəzi tərəfindən birgə həyata keçirilir, - "İTAR-TASS www.itar-tass.com" yazır.

Baxış sayı: 708