İNTERNET

Tarix:16/12/13

Milli qəhrəmanlarımızla bağlı sayt yaradıldı

Azərbaycanın milli qəhrəmanları ilə bağlı məlumatlarla zəndinləşdirilmiş sayt yaradılıb. “ICTnews” xəbər xidmətinin məlumatına görə, “www.milliqehramanlar.az ” portalı “Gənclərin Dostluq Şəbəkəsi” İctimai Birliyi tərəfindən həyata keçirilən “Milli Qəhrəmanlarımızı Xatırlayaq və Tanıdaq” layihəsi çərçivəsində hazırlanıb.

Sözügedən layihə, “Azərbaycan gəncliyi 2011-2015-ci illərdə” Dövlət Proqramının 6.2.3.-cü - Azərbaycanın milli qəhrəmanlarının və ərazi bütövlüyü uğrunda döyüşlərdə şücaət göstərmiş gənclərin tanıdılması ilə bağlı layihələrin həyata keçirilməsi bəndinə uyğun olaraq ərsəyə gətirilib.

Gənclər və İdman Nazirliyinin maliyyə, “İRƏLİ” İctimai Birliyi, Milli Qəhrəmanları Tanıtma İctimai Birliyinin təşkilati dəstəyilə reallaşdırılan layihənin əsas məqsədi ölkəmizin ərazi bütövlüyü uğrunda döyüşlərdə şücaət göstərmiş milli qəhrəmanlarımızın tanıdılması və gənclərə bu uca ada layiq olan hər bir Milli Qəhrəmanlarımız, onların həyatı, keçdiyi böyük və şərəfli döyüş yolları, göstərdiyi igidliklər haqqında tam ətraflı məlumat verməkdən ibarətdir.

SEYMUR

Baxış sayı: 871