İNTERNET

Tarix:16/12/13

Sazz 4G İnternet “Yeni il kampaniya”sına başladı

Qarşıdan gələn yeni il münasibəti ilə dekabr ayının 16-dən etibarən Sazz 4G İnternet provayderi ənənvi hədiyyə və güzəştlər kampaniyasına start verdi. 2014-cü il yanvarın 19-dək davam edəcək kampaniya günlərində həm abunəçi olmaq istəyənlərə, həm də mövcud müştərilərə cəlbedici hədiyyə və güzəştlər təqdim olunacaq.

Belə ki, iki aylıq abunə haqqını ödəyən bütün yeni abunəçilərə Sazz USB fleş modemi və bir aylıq pulsuz İnternet hədiyyə olunacaq. Qeyd edək ki, Sazz İnternetin “Yeniyetmə” adlı filtrlənmiş İnternet paketini əldə edənlərə də eyni şərtlərlə hədiyyə təqdim olunacaq.

Bayram güzəştləri Wimaxion simsiz portativ modemi də əhatə edir. Kampaniya günlərində Wimaxion modemini 20 faiz endirimlə əldə etmək mümkün olacaq.

Mövcud abunəçilər kampaniyanın qüvvədə olduğu müddət ərzində növbəti istifadə haqlarını ödəyərkən əlavə pulsuz İnternet vaxtı əldə edəcəklər. Belə ki, 60 günlük istifadə haqqını birbaşa ödəyən Sazz abunəçilərinə əlavə 7 gün, 120 günlük istifadə haqqını ödəyənlərə isə əlavə 30 gün pulsuz İnternet hədiyyə olaraq təqdim ediləcək. Beləliklə, faktiki olaraq bu paketlərdən faydalanan abunəçilərə İnternetdən istifadə haqqı 10-20% daha ucuz başa gələcək.

Yeni il kampaniyası Sazz 4G Internetin Süleyman Rüstəm küçəsi, 9 ünvanında yerləşən baş ofisində, eləcə də bütün Sazz 4G satış nöqtələrində keçərli olacaq. Sazz 4G xidmətləri haqqında daha geniş məlumatları www.sazz.az saytından, Sazz 4G feysbuk səhifəsindən, 191 nömrəli qaynar xətdən, habelə həftənin bütün günləri işləyən istənilən Sazz 4G satış nöqtəsindən əldə etmək olar.

Azərbaycanda 4G texnologiyası əsasında fəaliyyət göstərən genişzolaqlı simsiz İnternet xidməti olan SAZZ 4G Bakı, Gəncə, Xırdalan, Sumqayıt, Mingəçevir, Gəncə, Zaqatala, Balakən, Qax, Quba, Qusar və Xaçmaq şəhərlərində xidmət göstərir. 2014-cü ilin ilk yarısında Sazz 4G İnternet gələn Şəki, Lənkəran, Astara, Masallı və Lerik şəhərlərində də fəaliyyətə başlamağı planlaşdırır.

Baxış sayı: 1122