12px13px15px17px
Tarix:18/12/13

“Samsung” şirkəti smartfonlar üçün oyun pultu çıxarıb

“Samsung” şirkəti “Smartphone Game Pad” oyun pultunu satışa çıxarıb. Şirkətin mətbuat xidmətinin məlumatına əsasən, o, 4-6.3 düym diaqonallı ekranla təchiz edilmiş smartfonlarla istifadə üçün nəzərdə tutulub.
Mobil aparat pultun arxa hissəsindəki tutqaca bərkidilir.

“ICTnews” elektron xəbər xidməti “lenta.ru” saytına istinadən bildirir ki, oyun pultunun çəkisi 195 qramdır. “Samsung” şirkətinin iddiasına əsasən, oyun qurğusunu “Android 4.1” platforması və daha yuxarı versiya ilə işləyən istənilən telefonda istifadə etmək olar. Bununla belə, şirkət vurğulayıb ki, oyun pultu onun “Galaxy” aparatlarına optimallaşdırılıb.

Qeyd edək ki, pult az sayda oyun dəstəkləyir. Onu hələ ki “Need for Speed Most Wanted”, “Modern Combat 4: Zero Hour”, “Prince of Persia: The Shadow and the Flame” daxil olmaqla 35 oyunda istifadə etmək mümkündür. “Samsung” şirkəti söz verib ki, gələcəkdə oyunların siyahısı artırılacaq.

Qurğu artıq Avropanın bəzi ölkələrində satışa çıxarılıb. “Samsung”un press-relizində oyun pultunun qiyməti haqqında məlumat verilmir.

Emil Hüseynov



Baxış sayı: 613

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024