İKT

Tarix:21/12/13

Ali Məhkəmənin informasiya axtarış sistemi vətəndaşların işini asanlaşdırıb

Azərbaycanın ali məhkəmə orqanında informasiya texnologiyalarının ən yeni nailiyyətlərindən istifadə edilir. Ali Məhkəmənin internet səhifəsində yerləşdirilən informasiya axtarış sistemi məhkəməyə gəlmədən proses iştirakçısının işin qeydiyyata düşməsi, iş icraatında olan hakim, işin baxılması üçün təyin olunması, işin baxılması və çıxarılmış qərar haqqında məlumatları götürməsini mümkün edir.

“ICTnews” elektron xəbər xidməti xəbər verir ki, bu barədə Ali Məhkəmənin məlumatında deyilir. Məlumatda həmçinin qeyd edilir ki, bundan başqa, internet səhifəsində yerləşdirilmiş qərarlar üzrə axtarış sistemi vətəndaşlara məhkəməyə gəlmədən çıxarılmış qərarların mətnini, ətraflı axtarış sistemində isə Ali Məhkəmənin kollegiyası, hakimləri, il və ay, apelyasiya instansiyasına və hakimlərinə, birinci instansiya məhkəmələrinə və hakimlərinə dair göstəricilər üzrə axtarış aparmağa da imkan yaradır.

CAHANGİR

Baxış sayı: 1269