İKT

Tarix:24/12/13

DSK vətəndaşlara 5 elektron xidmət təklif edir

Hazırda Dövlət Statistika Komitəsi (DSK) vətəndaşlara özünün 5 elektron xidmətini təklif edir. Bu barədə “ICTnews.az” elektron xəbər xidmətinə DSK-dan məlumat verilib.

Komitədən bildirilib ki, e-xidmətlər işin operativliyini bir qədər də artırıb: “Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında" Azərbaycan Respublikası Prezidentinin 2011-ci il 23 may tarixli Fərmanının 2-1-ci bəndinin, "Mərkəzi icra hakimiyyəti orqanları tərəfindən konkret sahələr üzrə elektron xidmətlər göstərilməsi Qaydaları"nın və "Elektron xidmət növlərinin Siyahısı"nın təsdiq edilməsi haqqında" Nazirlər Kabinetinin 2011-ci il 24 noyabr tarixli 191 nömrəli qərarında dəyişiklik edilməsi barədə 2012-ci ildəki qərarının icrasını təmin etmək məqsədilə komitəmiz 5 istiqamət üzrə elektron xidmətlər göstərir.

Onlara “Rəsmi statistik hesabatların təqdim edilməsi”, “Statistik məlumatların buraxılış təqviminin və mətbu məlumatların yayım təqviminin təqdim edilməsi”, “Statistik məlumatların (göstəricilərin) verilməsi”, “Statistik nəşrlərin (kitabların) onlayn satışı”, “Statistik məlumatların verilməsi qaydalarının pozulmasına görə inzibati cərimələrin internet vasitəsilə ödənilməsi” daxildir”.

DSK qeyd edir ki, sözügedən elektron xidmətlər nəticəsində statistik vahid (hüquqi və ya fiziki şəxs) bütün rəsmi statistika hesabatlarını statistika orqanlarına gəlmədən elektron formada təqdim etmək imkanı qazanıb. Statistik məlumat istifadəçisi iqtisadiyyatın və sosial həyatın bütün sahələrinə dair hazırlanmış mətbu məlumatları, habelə onu maraqlandıran digər statistika məlumatlarını elektron formada əldə edə bilir.

Statistik məcmuəni (kitabı) komitəyə gəlmədən, dəyərini onlayn şəkildə ödəməklə almaq, statistik məlumatların verilməsi qaydalarını pozduğuna görə barəsində inzibati protokol tərtib olunmuş hüquqi və ya şəxs cəriməni banka getmədən, internet vasitəsilə onlayn rejimində ödəmək mümkündür.

SEYMUR

Baxış sayı: 833