12px13px15px17px
Tarix:24/12/13

“Acer” yaradıcısı aktiv yeniliklər və rəhbər dəyişikliyi edir

Noyabrın əvvəlində "Acer"in itkilərlə üzləşməsi səbəbindən şirkət rəhbəri və Direktorlar Şurasının sədri Cey Ti Vanqın vəzifə səlahiyyətlərinə xitam verməsi məlum olub. Bir neçə həftə sonra Direktorlar Şurasının qərarı ilə şirkət rəhbərliyinə gətirilən "Acer" yaradıcısı Sten Şi dərhal biznesi yenidən qurmağa və rəhbərlikdə dəyişikliklər aparmağa başlayıb.

Nəticədə bu yaxınlarda "Acer"in Çindəki biznesinin rəhbəri Çen Qovey istefa verib. Yaxın gələcəkdə şirkətin EMEA (Avropa, Yaxın Şərq və Afrika) regionundakı baş korporativ vitse-prezidenti və əməliyyatlar üzrə prezidenti Uolter Depplerin istefaya gedəcəyi gözlənilir.  

Bu xəbərlərin ardınca "Acer" rəsmən Tayvanın "TSMC" yarımkeçiricilər müəssisəsinin satış üzrə keçmiş rəhbəri Ceyson Çenin yeni icraçı direktor təyin edilməsini açıqlayıb. O, yanvarın 1-dən etibarən vəzifə səlahiyyətlərinin icrasına başlayaraq şirkətə rəhbərlik edəcək. C.Çen vəzifəsində "Acer"in yaradıcısı və Direktorlar Şurasının sədri kimi fəaliyyətini davam etdirəcək S.Şini əvəz edəcək.

Dünyanın aparıcı fərdi kompüter istehsalçılarından biri olan Tayvanın "Acer" şirkəti smartfon və planşetlərin dünya fərdi kompüterlərin satış həcminə mənfi təsiri fonunda mobil bazara çıxışla bağlı problemlərə görə çətin dövrünü yaşayır. Ötən ay şirkət üçüncü rübdə 446 milyon dollar məbləğində maliyyə itkisi ilə üzləşdiyini bəyan edib ki, bu da gözləniləndən yüksək olub. Bundan başqa, istehsalçı strukturun yenidən qurulması çərçivəsində dünya üzrə əməkdaşlarının sayını 7 faiz azaltmağı planlaşdırır.

21 yanvar 2014-cü ildə "Acer" tədarükçülərin iştirakı ilə konfrans keçirəcək, - "3DNews www.3dnews.ru" yazır.   
 



Baxış sayı: 556

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024